Pinagmulan ng Tao - Teorya at Alamat

Pinagmulan ng Tao: Kwentong Biblikal at Teoryang Siyentipiko

Si Malakas at Maganda

Kuwento sa Bibliya. Ayon sa Banal na Bibliya, lahat ng lalaki at babae ay nagmula sa unang lalaki na si Adan at sa unang babae na si Eba. Pagkatapos ng malakas na pagbaha (Great Flood), si Noe at ang kanyang tatlong anak ay namuhay muli sa kapatagan. Ang anak ni Noe na sina – Shem, Ham at Japhet – ay nagkaroon ng mga anak pagkatapos ng baha. Ang bunsong anak ni Japhet na pinangalanang Javan (Genesis 10:1-4) ang pinagmulan ng apat na apo ni Noe na sina – Elishah, Tharsis, Kittim at Rodanim. Ayon sa Bibliya, sa mga taong nanggaling sa arko nagmula ang mga tao na siyang kumalat at nanirahan sa kani-kanilang
teritoryo at pamayanan at nagkaroon ang mga ito ng kani-kanilang wika. Ayon kay Padre Francisco Collins, SJ, isang manunulat ng kasaysayan, ang mga unang tao sa ating bayan ay si Tharsis, na anak ni Javan at apo sa tuhod ni Noe, kasama ng kanyang mga kapatid at kaanak. Sa pagdaan ng mga panahon, ang mga lahi nila ay nanirahan sa iba’t-ibang bahagi ng daigdig na ating tinaguriang Asya, at ang mga isla ng Pilipinas. 

Hindi naniniwala ang mga siyentipiko sa kwento tungkol sa paglikha ng Diyos sa tao ayon sa Bibliya. Sa halip, umimbento sila ng teorya tungkol sa ebolusyon ng tao. Nakasaad dito na ang mga unang tao ay nanggaling sa parang-bakulaw (ape-like) na nilalang na lumalakad sa mundo libu-libong taon na ang nakararaan. Karamihan sa mga nag-aaral ay pinag-aaralan lamang ang teorya ng ebolusyon at tinangging paniwalaan ang kwento ng Bibliya.

Pag-aralan natin ang mga teorya tungkol sa kung saan nanggaling ang ating mga ninuno at kung paano sila naging tao, sapagkat maraming katanungan ukol dito. Gayon pa man, bilang Kristiyano, hindi tayo naniniwala na ang tao ay galing sa anyong bakulaw na nilalang. Sa halip, tayo’y dapat maniwala na tayo’y nilikha ng Diyos sa Kanyang kaanyuhan at kawangis sapagkat tayo’y mahal Niya. 

Ebolusyon

Ang Teorya ng Ebolusyon. Ang ibang kwento tungkol sa pinagmulan ng mga unang Pilipino ay galing sa mga siyentipikong nag-aral ng mga nakalipas na panahon. Mga “Arkyologo” ang tawag sa mga ganitong siyentipiko. Pinag-aaralan nila ang matatandang labi (relics) tulad ng buto, tapayan, paso at mga antigong alahas. Ang mga ito ay nahukay sa mga pook ng mga lumang libingan, mga tahanan o pamayanan noong unang panahon.

Ang pagpapaliwanag ng mga siyentipiko tungkol sa pinagmulan ng ating mga ninuno ay galing sa teorya ng “ebolusyon” o ang paniniwalang anyong-bakulaw na pinagmulan ng mga tao na naninirahan sa mga yungib libu-libong taon na ang nakararaan at gumagamit ng mga makalumang kagamitan.

Ang mga siyentipikong ito na naniniwala sa ganitong teorya ay hindi magkasundo kung saan talaga nagsimula ang unang mga Pilipino. Ilang pangkat ng mga siyentipiko ay naniniwala na ang mga unang Pilipino ay nagmula sa daloy ng pandarayuhan (wave of migration) ng mga Negrito, Indonesian at mga Malay na nanirahan sa ating bayan noong unang panahon. Ang isa sa mga bagong pangkat ay sumasang-ayon sa pusod na populasyon (core population) na naniniwalang ang mga sinaunang Pilipino ay galing sa mga naunang nanirahan sa mga isla natin at hindi sa ibang dayuhan. Sa katunayan, ang mga ito ay dumayo sa mga karatig na isla upang ikalat ang ating kultura sa ibang mga pamayanan.

Ang parehong pangkat ay naniniwala na ang unang Pilipino ay nanirahan sa Palawan noong mga 25,000 taon na nakalilipas. Ang Palawan noon ay bahagi ng pangunahing lupain ng Asya. Nanirahan ang mga unang Pilipino sa yungib ng Palawan kaya tinagurian silang mga “Taong Tabon”. Sila’y galing sa kultura ng Panahon ng Bato. Nangangahulugang ang kanilang sandata at kagamitan ay gawa lamang sa bato at hindi pa nila alam kung paano gumamit ng metal.

Ayon sa teorya ng ebolusyon ang unang Pilipino o ang “Taong Tabon” ay nangangaso ng mababangis na hayop gamit ang mga makalumang sandata na yari sa bato na karaniwa’y matutulis. Ang iba naman ay karaniwang mga kagamitang bato na kanilang ginagamit sa pagtatahi ng mga damit o paghahanda ng kanilang mga pagkain. Hindi sila marunong magsaka at mag-alaga ng hayop. Karaniwan, ang mga ito ay pandak, may makakapal na kilay at makitid na noo.

Ang mga unang Pilipino ay nakatira sa isang malupit na kapaligiran. Walang tigil ang pakikipagsapalaran ng mga tao doon upang mabuhay. Ang kanilang panahon ay nauubos sa paghahanap ng pagkain. Maraming katulad ng Taong Tabon ang nakatira sa iba’t ibang bahagi ng daigdig. Sa ibang bahagi, sila’y tinaguriang “Taong Java”, “Taong Beijing” o iba pa. Ang mabuhay para sa kanila ay mahirap.

Sa mga mag-aaral, heto ang karaniwang kwento ng pinagmulan ng tao.